|
心情動態：
來自彩福邨 |
我都講一講我的激氣經歷（激到我返到公司
 ）一天的早上，落好大雨，平時我都係行路返工的（因離公司近），但由於雨好大，又驚遲到，所以搭van仔喇，全程係七蚊，咁之前都有搭幾次，每次俾7蚊，但次次d司機都俾返兩蚊我，話五蚊得啦，可能因為近喇！點知，呢次我就直接俾五蚊，當我落車嘅時候，個小家司機禁喇叭，由於雨聲好大，禁咗幾次我先聽到就回頭望，佢就招手叫我過來，咁我就過來喇，佢就即刻落車鬧我 “你邊隻眼睇到係五蚊呀？係7蚊呀！”我就答佢話，“之前搭開都係收五蚊，我米以為都係收五蚊咯“跟住佢個衰人就話”咁你米去搭佢地架車囖“之後我就火都嚟埋，就同佢嘈“而家米俾返你囖，你男人老狗，洗唔洗為咗兩蚊係度鬧人呀？”咁cheap 架你！為咗兩蚊係度鬧女人？！你無嘢呀？” 跟住我俾二十蚊佢找，佢叫我上車找返俾我，咁我就上返車喇，點知佢d格賤到無人有，找俾我時，講咗句“死國產”我當時好想鬧返佢“死港產，你咁叻就唔洗開van仔喇，做李嘉城喇笨！”但我驚佢會關車門唔比我落車，所以無頂返佢，之後我黑曬面返到公司，d同事問我咩事？我就忍唔住喊咗出來，佢地就話果個司機咁無品嘅，影響衰d男人....跟住我老闆聽到后，同我講，洗乜理佢d咁低層嘅人？你假假地都係個文員，何必在乎佢d說話？！果次之後，我寧願遲到，風吹雨打，我死都唔會再搭vcan仔!  本帖最後由 LaDyKaKa 於 2012-7-11 00:43:00 編輯
|
||
|
|
|||
|
心情動態：
來自和樂邨 |
甘似房署派公屋等到一肚氣,
|
||
|
不經不覺 已上樓4年了
有自己的安樂窩 超感恩 超開心
|
|||
