彩德XX軒飲茶飲到成肚氣

jjhwb

彩德XX軒飲茶飲到成肚氣

8號一家人和平時一樣到XX軒飲早茶，剛好有朋友話過來，所以有六個人（平時都系四人），八點四十五分到，見門口有幾個人在攞籌等位就去櫃台攞籌啦，黃色飛排第二，應該好快啦（望見入面有三張大台吉左系度），點知等左半個小時，黃色飛一個籌都未派，紅色飛小人的才派了三四個，外面人越來越多。問派位的話未有台，要等，黃色飛的這時已有七八個籌在等，好多人聚在前台不耐煩問幾時派，這時已九點十五分了，有人見裏面有吉台更大聲噪叫派位，本人都加入理論，個WAITER一未叫我地WAIT，問點解有台唔派佢話系公司規定。個WAITER過左一陣話有台，更氣的事發生了：前面四個籌都是6人、7人，第五個籌是八人，個WAITER居然先派左八人台個張，問都唔問前面個四個籌，佢話剛好有八人台，所以派五號先。難道我地六人的唔可以加張兩個人的紅色飛一張台？我地無話唔可以搭台！大家一齊噪，搞到外面亂曬龍，這時個經理行出來，了解後又系個句：公司規定。太不公平了！搞到成肚氣，如果要剛好有六人台，我都唔知幾時先可以有位了，鬧左幾句只好拉大隊走人，唉，今時今人這樣的服務態度！大家來評下理，
     最後來個有獎問答：點解八點半多D，XX軒開始唔派位？

sum_summer

唔係飲到成肚水咩

judychan

我去過幾次.都是你的情況一樣.又沒禮貌都不是想做生意

Felice233A

冇競爭自然囂啲㗎啦，如果彩盈邨整番間酒樓同佢爭，你估會點呢？

cat3

LaDyKaKa

我都講一講我的激氣經歷（激到我返到公司）
           一天的早上，落好大雨，平時我都係行路返工的（因離公司近），但由於雨好大，又驚遲到，所以搭van仔喇，全程係七蚊，咁之前都有搭幾次，每次俾7蚊，但次次d司機都俾返兩蚊我，話五蚊得啦，可能因為近喇！點知，呢次我就直接俾五蚊，當我落車嘅時候，個小家司機禁喇叭，由於雨聲好大，禁咗幾次我先聽到就回頭望，佢就招手叫我過來，咁我就過來喇，佢就即刻落車鬧我 “你邊隻眼睇到係五蚊呀？係7蚊呀！”我就答佢話，“之前搭開都係收五蚊，我米以為都係收五蚊咯“跟住佢個衰人就話”咁你米去搭佢地架車囖“之後我就火都嚟埋，就同佢嘈“而家米俾返你囖，你男人老狗，洗唔洗為咗兩蚊係度鬧人呀？”咁cheap 架你！為咗兩蚊係度鬧女人？！你無嘢呀？”   跟住我俾二十蚊佢找，佢叫我上車找返俾我，咁我就上返車喇，點知佢d格賤到無人有，找俾我時，講咗句“死國產”我當時好想鬧返佢“死港產，你咁叻就唔洗開van仔喇，做李嘉城喇笨！”但我驚佢會關車門唔比我落車，所以無頂返佢，之後我黑曬面返到公司，d同事問我咩事？我就忍唔住喊咗出來，佢地就話果個司機咁無品嘅，影響衰d男人....跟住我老闆聽到后，同我講，洗乜理佢d咁低層嘅人？你假假地都係個文員，何必在乎佢d說話？！果次之後，我寧願遲到，風吹雨打，我死都唔會再搭vcan仔!  

stevenking

獨市生意唔憂做

spoonmanu

回應 6# LaDyKaKa
你唔搭vans係唔想再見到個無品司機姐！咁不如投訴佢，照你咁講如果你返工時同屋企留下保安嘈交咁你就返工時間唔落樓咩？最後我唔同意你老闆咁樣睇人！唔通佢覺得自己好高高在上？

kitmak

甘似房署派公屋等到一肚氣,

waitinglee

8號一家人和平時一樣到XX軒飲早茶，剛好有朋友話過來，所以有六個人（平時都系四人），八點四十五分到，見...
jjhwb 發表於 2012-7-10 16:30:58

唔合理, 又冇禮貌