向各位請教如何有效地舉報濫用公屋。

以下會列出戶主虛報及隱瞞的資料，以及我有的證據。  係好長，辛苦晒大家， 我諗睇完下面七點，都唔需要我再講咩前因要舉報自己生母、去年喺上海醫院內經歷既恐怖事，大家都應該估到多少，內文有提及嘅都只係一小部分，呢20多年經歷嘅事仲誇張過電視劇。

現已向房署確認過，住戶名單內只有3人，戶主我媽，住戶大女，住戶細女。
早兩日我報警想進入該單位，警員將個波抛畀邨辦，邨辦又想將個波抛畀社工，呢10幾年我冇社工跟緊。昨天我舉報咗，以下問嘅問題佢全部都話等房署調查，但係調查進度及結果唔會話我知，亦都答唔到調查時限幾耐。
真係咁都得？ 我都係住戶成員之一，唔屬於鄰居舉報，要搬細單位或收回公屋唔使話我知？最起碼都俾個時限我，我自己上門就知道間公屋有冇被收回，時限都沒有，總不可能每天上去敲門吧？真係想到時戶主回港又同我發生流血事件？  希望有人可以解答到，或者可以話俾我知係咩部門求助或投訴，萬分感謝。
因為在此公布住址可能不合法？所以未有提供再此，如果聯名舉報有用的話可以私信我。

1. 戶主向房署謊稱不知道大女已結婚與否, 並說容許大女將來回家的，不肯除名(事實係她有出席婚禮，有合照為證， 應該是不想被搬往細單位。算否隱瞞婚姻狀況？她可能有冒簽我名及申報我的入息及資產)

2. 戶主細女，2019已去澳洲留學，現19歲，仲要讀多幾年大學。(則單位內2019年合資格居住人士只有戶主一人確實居住在內，戶主男友沒有名但同住多年)

3. 戶主這20多年間一直有在舊歌廳工作，藝名莎莉，出現金糧，2007年發生家暴大女時，在廟街工作，呃綜援。 同年被大女生父告上法庭，但大女已向警方表示不追究，可能因為未滿十八歲，所以照判佢入小欖數月，大女則判俾嫲嫲照顧，從此沒有居住於該公屋單位。 現在應該沒有領取綜援了，不知事隔多年還能否追溯舉報。但因為精神病有傷殘卡，不知有否騙取傷殘金。   (呃綜援、傷殘金)

4. 這15年間，戶主利用同住的男友名註冊公司歌廳、簽包租租約再分租獲利。因2016-2017年間更呃我錢包租，多次叫我入錢都係入她男友戶口，所以現在我手上有短訊內有證明包含-她男友名的身分證、包租租約、公司稅單影印本、銀行戶口號碼( 另有一個不知道是她男友還是她本人的馬會戶口號碼)  2019年她公司火燭燒毀，才在屋村髮型屋內租個尾房做美容。2019前肯定她不會向房署申報

5. 我有2020年7月7日的二人飛往上海機票存根， 我倆趕回上海探望病危外婆, 外婆八月初去世。戶主至今超過半年未返港，不停騷擾外公要賣外婆生前單人名的私人樓 ( 房署透露房主於年尾致電回港，替其居港生父一人做<探訪證>幫手入屋收信，但並不是暫住證。 現在屋內有她生父的現任老婆，阻止我入屋)  吾通咁樣就可以唔使俾人告長期空置公屋？ 咁都得？可以用身後事做理由超過半年不回港？

6. 二月中，外公已來電告知被逼賣樓，兩人姓名已做咗房產證，成交價人民幣800萬，已收取一半金額，尾數正常會於二月尾收齊。   回港前我已有兩份公證書影印本，可證明戶主及我外公共同承繼房產及財產。 其實我前後逗留左差不多4個月為陪伴保護外公，及警告如果堅持要賣樓分產會舉報戶主。  但我走後還是沒有辦法阻止。 當賣樓正式完成時，戶主金額已有400萬，尚未計數百元的債權及保險箱內珠寶。 我威脅會舉報時，戶主亦聲稱大可轉移，話我會告吾入 。( 如果二月尾收齊尾數，可能會轉移到細女的外國戶口，或者講大話還債用晒啲錢，係咪就冇佢辦法？ 房署都冇辦法強制執行收返間公屋?)

7. 我有戶主在內地的其中一個銀行戶口號碼，因為佢連喪葬費2萬幾都唔放過，所以要同我外公一齊填妥AIA的保險理賠合約，該文件外公有給我拍照。

個人覺得搵TVB東張西望報導吓, 政府至會理.

咁你係乜水？二囡？

1. 打1823開case no
2. 將你手上有既資料全部影印，每頁寫case no
3. 每個月月尾追一次進度
下次做呢啲嘢唔好咁大聲同人講，放暗箭先可以射死人本留言最後由 fortesting 於 2021-02-18 18:03:54 編輯