mimemike85 當前在線 X
心情動態: 來自油麗邨 |
咁講,除左 c 1,8室係厚牆係要計埋落尺價度,其他座唔知計唔計埋落去。 其他座唔知計唔計埋落去。 <答> 係你「C1 / C8」既單位厚牆特別厚,之前新聞&公屋網都有講,價錢既一部份係用左嚟買厚牆,唔係單位大左,叫大家留意。 。。。。。。。。 但如果只係 C1,8 座計,其他座唔計,咁擺明騙錢啦。 <答> 現時香港法例賣樓,係計「實用面積」,計埋牆身,唔止計你「C1 / C8」既厚牆單位,每個單位都係咁計法,政府冇呃你錢。 。。。。。。。。 一係全部都計可用面績計價值既,咁咪冇問題囉。 <答> 「可用面積」係公屋出租既計算方法,買賣樓係用「實用面積」,樓書有寫,圈左俾你睇。 。。。。。。。。 PS : 我都係 C 座。唔好話唔公平咪唔好買,係唔合理既問題。一係你就唔好set 個尺數係521尺,你480尺單位唔知係咪都係計埋牆身。仲有,樂富示範單位又冇521尺 show 出黎,擺明唔透明。 <答> 無論「C1 / C8」厚牆2房單位521呎,其他2房單位480呎,都係計埋牆身。呎吋係實用面積既總和,唔係set出嚟。 。。。。。。。。 話可以睇售樓書同網上有得睇,咁實睇得明嫁? 所以好多因數,政府係擺明有心騙錢。 <答> 我見你有留言,話一心諗住買硬3房單位,點知到你揀樓時賣哂,所以你就揀呎數最大既2房單位,之後後悔,話政府呃你錢。。。呢期居屋搞左咁耐,又重新俾人再入表,由派樓書至揀樓,「總共一年時間」俾你慢慢睇樓書,上網睇資料,落實地慢慢睇。。。睇唔明,可以上呢個公屋網大家討論。 。。。。。。。。 我第一次抽居屋就中第二粒珠,仲以為可以買到三房,點知我選樓日上午比人買晒三房,但個電視仔無白交叉~以為仲有機會,我仲要第一個入去,結果入到佢即時坐低就話要e4 1樓三房,結果話大房全部冇晒啦,死未。咁咪急急腳咁選521尺囉,諗住都好丫,點知521尺 d wall 係咁有水份,白白比左20幾萬去買厚 wall 單位。人地二房間3房就輕易,521尺房間3房就左右為難,真係超超超后悔。 早知480尺2房仲好,又平20個,又間到3房 ,唉。衣家我真係好想 屌個設計師,整間咁既單位黎騙錢,又唔實用。。。。我家長者衣家都仲好開心嫁,未知 d wall 咁個死人样,我都唔咁同佢地講,比人揾笨七十PS : 我係家有長者申請 <答> ![]() 買左厚牆咪算囉!等收樓,開開心心住新屋啦! ![]() 。。。。。。。。。。。。。。。。。。。。。 「實用面積」係計屋內總面積,包括牆身厚度佔用既面積。現時出售樓宇,包括私樓、居屋、綠置居、租置公屋,都係用呢個準則賣樓既。 「可用面積」係計屋內可用面積,不包括牆身厚度佔用既面積。只有房署用於出租公屋,以計算出租呎數及租金,極之均真。 根據香港測量師學會頒布的《量度作業守則》,「室內樓面面積」是量度至單位外牆和/或分隔牆的內表面的面積;「實用面積」量度至包括單位外牆和相鄰單位分隔牆中線的厚度。一般來說「室內樓面面積」和「實用面積」是有直接關係,而且通常一個單位的「實用面積」數值會比較「室內樓面面積」數值為大。 。。。。。。。。。。。。。。。。。。。。。。。 俾你參考吓: 屏欣苑 兩房單位 實際面積 及 可用面積 http://cyclub.happyhongkong.com/viewthread.php?tid=135892本留言最後由 mimemike85 於 2019-03-31 00:21:00 編輯 |
|
|