【歐陽佩珊病逝】

過主啦

【歐陽佩珊病逝】

曾在無綫電視劇集《神鵰俠侶》（1983年版）中主演黃蓉的香港資深藝員歐陽佩珊，今日傳出死訊，終年63歲，其丈夫郭鋒今日接受《蘋果》查詢時表示，他起初語氣平靜：「係四月開始發生嘅事，腦部中風，做咗三次開腦手術，發覺原來係有腫瘤，所以一直到今日返咗港醫治，冇藥物對付到佢，做唔到，所以至會有咁不幸嘅事，所以我都覺得好傷心。」講到歐陽佩珊病情:「我哋喺吉隆坡時佢突然腦出血，以為中風，做咗三次手術，點知發現原來係肺腺癌。」

郭鋒透露太太是在今天下午1點41分，於養和醫院病逝。問到太太臨終時是否一直在身邊相陪?郭鋒語帶哽咽說：「當然喺身邊，依家我睇吓點安排打理後事，交畀屋企人搞，我暫時想安靜吓。」

歐陽佩珊原名陳潔英，於1960年代出道，曾演出粵語片，後來於1975年加入麗的電視，成為當家花旦，主演過《子夜》、《半生緣》等劇集。及後到1978年轉投無綫，主演《小李飛刀之魔劍俠情》、《抉擇》、《楚留香》、《網中人》、《上海灘》及《神鵰俠侶》等經典劇集。到1989年再轉投亞視，亦有參演電影。

歐陽佩珊於1977年與郭鋒結婚，到90年代逐步淡出娛樂圈。

過主啦

曾志偉：可能年紀大喇，盡情享樂、開心啲係好重要。（資料圖片）(蘋果日報)

黃杏秀表示覺得好愕然，佢都好後生，之前冇聽過佢有特別嘅病痛。（資料圖片）(蘋果日報)

賈思樂回應道：「一個鐘前先知道呢個消息，當時我係O嘴，覺得好突然。」（資料圖片）(蘋果日報)

香港資深藝員歐陽佩珊今午因肺腺癌死訊，終年63歲，而歐陽佩珊生前曾和圈中多位藝人合作。曾志偉回覆《蘋果》：「吓！幾時呀﹖o依家成日都聽見呢啲消息，可能年紀大喇，盡情享樂、開心啲係好重要。」

與歐陽佩珊同屬無綫當家花旦的黃杏秀愕然謂：「佢都好後生，之前冇聽過佢有特別嘅病痛，記得喺較早前，喺微博見有人上載過佢生日嘅相片，不過想睇就已經下咗架。

「我都好耐冇見佢，我諗有30幾年，我哋訓練班張美琳(謝瑞麟二太太)都係因病逝世，唔夠兩個禮拜就到佩珊，所以都好唔開心。我哋合作唔算多，好似係《一劍鎮神州》，我都唔係好記得喇，因為冇乜對手戲，印象中佢好nice，好文靜。」

亦曾跟歐陽佩珊學氣功的賈思樂就說：「一個鐘前先知道呢個消息，當時我係O嘴，覺得好突然，雖然同佩珊姐唔係成日見面，但10年前，我跟佢學氣功，佢係我師傅，當時想練氣，佢同我講氣功唔係一朝一夕，我就搵埋林漪娸、廖安麗一齊上堂，大約學咗10幾堂，師傅就同我哋講氣功係易學難精，所以要好好學習，之後都冇乜聯絡，直至3年前，突然醒起Send咗一個新年祝福畀佢，佢都有回覆祝福番我，今日知道佢走咗，我接受唔到。」

過主啦

羅蘭對歐陽佩珊病逝覺得好可惜、好突然。（資料圖片）(蘋果日報)

魯振順表示唔相信一個咁強勁嘅氣功師會有咁嘅結果。（資料圖片）(蘋果日報)

黃淑儀同歐陽佩珊好耐冇見，覺得好婉惜。（資料圖片）(蘋果日報)

香港資深藝員歐陽佩珊，今日傳出死訊，終年63歲，而歐陽佩珊生前曾和圈中多位藝人合作。

今日羅蘭得知歐陽佩珊離世消息，回覆《蘋果》道：「好耐冇見佩珊，我哋都合作過好多劇集，記得佢飾演過我個女，印象中，佢係一個好好嘅人，對工作好認真，知道佢自從離開電視圈之後，曾經搵過佢做梅花針針腳。我覺得好可惜、好突然。」

魯振順稱：「覺得件事好突然，啱啱先知道。我知道佢有氣功牌，身體都係好強健，不過我哋好耐冇見，最近見佩珊都係因為鋒哥嘅關係，因為自己身體唔係好妥，當時鋒哥同我講佢哋有強勁嘅氣功，可以去學下，於是我就跟咗佩珊學氣功，教我要配合調節呼吸。

「上堂都好嚴謹，我真係唔相信一個咁強勁嘅氣功師會有咁嘅結果，我知道佢作息好定時，我亦都知道佢對鋒哥好嚴謹，不過佢都係尊重鋒哥啫，我覺得大家都要惜緣、惜福、感恩，大家唔會勾心鬥角。」

曾經於麗的電視與歐陽佩珊的黃淑儀謂：「聽到覺得毛管戙，同對方好耐冇見，覺得好婉惜，知道佢一向都好低調，我哋以前喺麗的電視嘅時候，都已經有合作，後來再嚟無綫嘅時候，佢就退出咗喇。」

過主啦

歐陽佩珊同郭鋒於1976年因合演劇集《無語問蒼天》定情，兩人在劇中飾演啞巴戀人，全靠手語及眼神交流，最後戲假情真，成為一對。在拍拖初期，兩人一樣否認，後來關係穩定後，總會見到他們有影皆雙，就連有同事結婚請飲，歐陽佩珊都稱要同郭鋒夾份畀人情。

兩人終在77年9月9日拉埋天窗，原來當年兩人在九龍城浸信會舉行婚禮時，有便衣探員在場內巡視，但有人問起探員為何到場，對方只表示看熱鬧，無特別事。重看舊報道，當年歐陽佩珊的嫁衣，是由郭鋒親自訂來送了愛妻的意大利婚紗，可見對妻的寵愛有加。

郭鋒與歐陽佩珊拍拖時，總被人笑是「跟得男友」，到他們婚後，郭鋒就被換上「歐陽佩珊的寶貝老公」的稱號，難得的是歐陽佩珊笑指兩夫婦是「有我就有他」。

另有報道指郭鋒愛去旅行，偏偏歐陽佩珊愛靜，故此郭鋒就算是去旅行，也不會去太久，因捨不得獨留愛妻在家；歐陽佩珊亦為了丈夫付出，毅然學醫來為丈夫調理身體。

結婚多年以來，兩人恩愛如昔，早在2006年，郭鋒和歐陽佩珊被周刊拍到十指緊扣在銅鑼灣逛街，歐陽佩珊更直言當正丈夫是大細路，而郭鋒則稱從來沒有老夫老妻的感覺。

過主啦

於1980年跟歐陽佩珊合作拍劇集《執到寶》的甘國亮，對於舊拍檔突然離世感到很愕然，他在電話說：「我哋冇聯絡，反而同郭鋒多啲，冇聽佢提過太太有病，近年少見面。唔講老土嗰啲，一個朋友，唔希望佢生病離開，但我有啲唔同，因為我年紀大過佢，最希望佢冇受太耐折騰，希望佢係好安樂咁去！當然為佢留喺度嘅另一半節哀，其實4月到o依家咁快唔喺度，可能係福氣！」

問到當年合作印象？他說：「佢係一個好踏實嘅人，唔似一般女演員，做嘢好爽快，乾淨俐落。」

過主啦

歐陽佩珊

香港資深藝員歐陽佩珊今日傳出死訊，終年63歲，其丈夫郭鋒接受《蘋果》查詢時表示，承認太太於今午1時41分病逝。

曾跟歐陽佩珊學氣功的林漪娸今日接受電話訪問時表示：「好突然，佢都唔係好大年紀，63歲都算後生，我好多年前曾跟佢學過氣功，學完之後冇聯絡，因為佢教嘅氣功學完後可以自己練習，唔使再搵佢，加上之後又各有各忙，所以冇聯絡。自己o依家都一直有做佢教嘅氣功，對身體一定有幫助。」

問到當年為甚麼要跟歐陽佩珊學氣功？林漪娸表示：「嗰時同郭鋒合作拍劇，講開氣功，咪一齊去學囉。」對於歐陽佩珊的為人，她說：「都好㗎，好認真咁教我哋，講解得好清楚，佢為人正正直直，一就一，二就二。」有否致電郭鋒慰問？她說：「我諗唔會搵佢住，佢都煩緊忙緊，畀佢休息吓搞吓嘢。」

過主啦

歐陽佩珊75年加入麗的電視，78年過檔無綫，再於89年返回亞視拍劇，直至93年息影。退出銀幕的歐陽佩珊，隨後轉到北京讀中醫，畢業後成為執業氣功針灸師，回港開班授徒，開設氣功醫館「Susanna House」。

圈中不少藝人多年來都有向歐陽佩珊求醫，前年有報道指賈思樂糖尿超標，跟歐陽佩珊學氣功學足一年後康服，同班同學還包括林漪娸、廖安麗、連炎輝。

報道又指歐陽佩珊門下學生過二千人，但收生嚴格，由於年紀漸長，一度考慮退休。

過主啦

資深藝員郭鋒太太歐陽佩珊，今日因病離世，終年63歲，生前歐陽佩珊曾和周潤發拍攝劇集《網中人》，今日發哥得知離世消息，回覆《蘋果》：「好突然，聽到呢個消息當然係唔舒服，雖然同佢只合作了一套《網中人》，但拍時間算長，所以一班演員都會拍到熟落起嚟！我印象中佢好好脾氣，同佢合作如愉快，希望佢一路好走，我同佢老公合作過，希望郭鋒節哀順變！」

歐陽佩珊於60年代末出道演出多部粵語片，1970年《瓊花仙子》更大受歡迎，而於電視方面，於1975年加入麗的電視成為當家花旦、1978年加入無綫電視後更演出多部極受歡迎的劇集如《孖生姊妹》、《網中人》、《發現灣》、《執到寶》等，其中《網中人》劇中因為同劇女主角繆騫人辭演、劇內角色亦身亡，令歐陽佩珊於《網中人》之中戲份被加重，隨著劇集極受歡迎，歐陽佩珊亦正式成為當年當家花旦。

過主啦

林嘉華當年過檔無綫，第一套電視劇就是與歐陽佩珊拍的《發現灣》，分別演男女主角。

早年林嘉華與歐陽佩珊丈夫郭鋒在HKTV合作，他稱讚郭鋒與歐陽佩珊是圈中模範夫妻，林嘉華今日接受訪問，他說：「郭鋒同我講，歐陽佩珊好鍾意《發現灣》，佢仲問我有冇留底。」林嘉華當時指有錄影帶於加拿大，未能借予對方。林嘉華表示近年見到有《發現灣》DVD，可惜未能通知郭鋒及歐陽佩珊。

鄧aunti

愕然